Morgonstund 2

Tatt same morgon som forrige serie, men eit litt anna fokus, eller litt ute av fokus?  Eg trivest kanskje endå bedre med å ta denne type bilder, når det blir litt rundt i kantane. 

Morgonstund

Vart vekt av vesle Luna på 2 månader sånn litt før fem om morgonen. Ho var jo svolten så klart. Etter å ha kikka ut glaset kunne eg ikkje gå tilbake til senga. Oppe på fjellet var det heilt stille, dogg overalt og skodde over vatna. I mange timar var eg heilt åleine i sommarmorgonen. Skal ikkje sova bort sommarnatta…

Metamorfose

Fjørlette vengeslag

lavmælt surring i graset

hemmelighetsfulle, vakre vesen

små under

kviskrar om øyeblikk

og evighet

Smått og stort i havgapet

Å gå langs havet gir noko av den same frihetskjensla som å gå på høgfjellet. Det gjer så godt med ein lang dag, berre rusla ein lang tur, kikka på det store åpne landskapet, og på dei ørsmå detaljane. Liggja litt på eit knudrete og varmt svaberg, plukka eit par blåbær, bli rusa på natur og skaparverk. Ingen ende på kva som finst av finurlige detaljar, sjå berre på halen til vassloppa, den er kunstferdig. Her ute finn eg det store og det små som sprengjer mitt eige litt forkrøpla perspektiv.

vassliljeblad

Sommarkveldar

Eg høyrer det regnar i Oslo og i Sverige. «Røm frå regnet no, 28 grader i Hellas», står det på nettet. Alle media snakkar om regnet og den dårlege sommaren. Men i Bergen har vi hatt fint sommarver. Kven sku tru det. Velsigna å tusle med fotoutstyret på stille seine kveldar. Blomar og strå blir ekstra fine etter mange stille soldagar: myrull, bittekonvall og nattfiol. 

Tre

Av og til gjer eg noko heilt anna. Berre leikar med trea og himmelen seint på kvelden. Mørk blå himmel, svarte tre. To fargar er ofte meir enn nok. Ikkje alltid, men av og til. La auga kvila ved former og mønster, blått blått blått. Innimellom er det godt at livet er litt enkelt også. Eta, sova, prata. Ingen ting ein skal rekka, ingen fly som skal gå snart, ingen stressa musikk i øyra. Berre vera i ro. Møta seg sjølv, møta livet, ausa hjarta tomt for sorger, ta imot gleda.