søndag 10. juni 2012

Årets siste skitur?








Har drøymt om dette heile våren, å få ta ein tur i shorts og T-skjorte på ski! Været har vore bra sidan 17.mai, men tida og prioriteringane har måtta gå ein annan veg. Eg har av og til sett desse turkise dammane som legg seg oppå den kvite snøen. Eg er berre betatt av den fargen, kan ikkje heilt forklara det. Naturen er liksom litt småfrekk i fargebruken.
Så i går labba eg i veg, ein time til fots, og ein time eller to til på ski, så var eg der. Godt og vel 1000 meters høgde, over siste kammen, og så var eg spent. Hadde ein teori om at tininga hadde laga akkurat det eg var på jakt etter. Yes! Tre fire fine dammar med knallturkis farge, overskya varmt ver. Så der spratt eg rundt i shortsen og knipsa i veg. Gauken nede i dalen gol «ko-ko ko-ko» i eitt sett, og det er kanskje det eg er, men når eg kjørte telemark ned brattliene i shorts etterpå så var ikkje det så farleg.

3 kommentarer:

  1. ..den turkisfargen er blant det aller vakreste jeg vet..du er akkurat passe gal...det liker jeg..

    SvarSlett
  2. :-) Takk for den! Gauken gol akkurat der dei heldt på med å setja opp «monstermaster», det var nok dei han sikta til…

    SvarSlett
  3. Hærlige bilder fra fjellet. Gode komposisjoner. Liker enkelheten og den deilige turkisfargen.
    Flott:)

    SvarSlett